भूलसुधार नीति

म्याग्देखबर डट कम (myagdekhabar.com) सदैव तथ्यमा टेकेर सत्य र निष्पक्ष सूचना सम्प्रेषण गर्न पूर्ण रूपमा स्पष्ट र प्रतिबद्ध छ। यद्यपि, निरन्तरको प्रयासका बाबजुद कहिलेकाहीँ नजानेरै वा प्राविधिक कारणले सामग्रीमा भूल हुन सक्छ। आफ्ना भूलहरूलाई जिम्मेवारपूर्वक स्वीकार्दै तत्काल सच्याउनुलाई नै हामी मर्यादित पत्रकारिताको मूल मर्म मान्छौँ।

पाठकसम्म सही र अद्यावधिक सूचना पुर्‍याउने उद्देश्यले हामीले देहाय बमोजिमको स्पष्ट 'भूलसुधार नीति' अवलम्बन गरेका छौँ:

• तत्काल सुधार: कुनै पनि प्रकाशित समाचार वा सामग्रीमा त्रुटि देखिएमा वा जानकारीमा आएमा हामी त्यसलाई बिना कुनै ढिलाइ तुरुन्त सच्याउँछौँ।
• भाषिक वा प्राविधिक सुधार: समाचारको मुख्य अर्थ, तथ्य वा अभिप्राय फरक नपर्ने गरी हुने हिज्जे, व्याकरण, टाइपिङ वा शैलीगत त्रुटिहरूलाई कुनै विशेष सूचनाबिना अद्यावधिक (Update) गरिनेछ।
• पारदर्शी अद्यावधिक (Update): समाचारको मुख्य विषय वा तथ्य सच्याउँदा कुन विषय सुधार गरिएको हो, सो कुरा समाचारको अन्त्यमा स्पष्ट रूपमा उल्लेख गरेर मात्र सामग्री अद्यावधिक गर्छौँ।
• क्षमायाचनासहितको सुधार: सामग्रीमा गम्भीर तथ्यगत त्रुटि (Fact Error) भएको पाइएमा हामी हाम्रा सम्मानित पाठकवर्गसँग क्षमायाचनासहित भूलसुधार गर्छौँ।
• पाठकको सुझाव र तथ्य जाँच (Fact-Checking): पाठकहरूले फोन, इमेल, वा सामाजिक सञ्जालजस्ता कुनै पनि माध्यमबाट भूलसुधारका लागि ध्यानाकर्षण गराउनुभएमा, हाम्रो सम्पादकीय टोलीले तथ्य जाँच (Fact Check) गरी त्रुटि पुष्टि भएमा तुरुन्त सुधार प्रक्रिया अघि बढाउनेछ।
• सामाजिक सञ्जालमा अद्यावधिक: मूल वेबसाइटमा समाचार सच्याइएपछि, पाठकहरूमाझ सही सूचना पुगोस् भन्ने हेतुले सो भूलसुधार पछिका अद्यावधिक लिङ्कहरू (Updated Links) हाम्रा आधिकारिक सामाजिक सञ्जालहरूमा समेत पुनः पोस्ट/अद्यावधिक गर्छौँ।