प्रदर्शनीमा विद्यालयमा अध्ययनरत विद्यार्थीहरूले आफैँ निर्माण गरेका विभिन्न प्रयोगात्मक प्रोजेक्टहरू प्रदर्शनमा राखेका थिए। विद्यार्थीहरूले विज्ञानका सिद्धान्त र गणितीय अवधारणालाई व्यवहारिक रूपमा बुझाउने खालका सामग्रीहरू प्रस्तुत गरेका थिए, जसलाई अवलोकनकर्ताहरूले अभिरुचिपूर्वक नियालेका थिए।
विद्यालयका प्रिन्सिपल दिर्घ बहादुर दरैले कक्षाकोठाको सैद्धान्तिक ज्ञानलाई प्रयोगात्मक रूपमा उतार्न यो प्रदर्शनीले महत्वपूर्ण भूमिका खेल्ने बताउनुभयो। उहाँले भन्नुभयो, "विद्यार्थीहरूमा लुकेको प्रतिभा प्रस्फुटन गराउन र उनीहरूलाई अनुसन्धानमुखी शिक्षातर्फ आकर्षित गर्न हामीले यस्ता कार्यक्रमलाई प्राथमिकता दिँदै आएका छौं।"
Post a Comment